Ástralski arkitektinn Bianca Censori, sem er hvað þekktust fyrir að vera eiginkona Kanye West, heldur áfram að vekja athygli fyrir klæðaval sitt.
Í þetta sinn var það buxnaleysi sem vakti athygli, en hún mætti ásamt Kanye á tískusýningu á Ítalíu.
Bianca, 29 ára, og Kanye, 46 ára, voru klædd bæði í svart en á meðan rapparinn var í svörtum buxum, jakka, í skóm og með hanska, var eiginkona hans aðeins í einhvers konar svartri samfellu sem skildi eftir lítið fyrir ímyndunaraflið.
Bianca frumsýndi einnig nýja klippingu, hún er komin með hár aðeins fyrir neðan eyrun og topp.
Arkitektinn er þó ekki alltaf svona klædd, þó það sé orðinn eins konar staðalbúnaður hennar að vera í gegnsæjum sokkabuxum og litlum topp. En á dögunum fór hún á skyndibitastað með North West, tíu ára dóttur Kanye West, og var í svörtum jakka yfir venjulega klæðnaðinn.
North West and Bianca Censori in Paris pic.twitter.com/Zm0gtALRMa
— Just a stan of many things (@QuasimodoZegler) February 26, 2024
Bianca Censori covers up in oversized jacket for fast food date with stepdaughter North West https://t.co/OMLPogPO5P pic.twitter.com/t29hsBDgeE
— Page Six (@PageSix) February 27, 2024
Það er ekkert nýtt að Bianca hneyksli með klæðavali sínu. Fyrr í febrúar mætti hún nánast nakin í Super Bowl partý. Svo má ekki gleyma því þegar hún var kviknakin undir gegnsæjum regnjakka eða þegar hún gekk um götur Ítalíu með púða fyrir topp.
Sjá einnig: Foreldrar Biöncu í uppnámi og óttast að Kanye West hafi fullkomna stjórn á henni
