Blaðamaður BBC sætir harðri gagnrýni eftir að hafa spurt írska leikarann Andrew Scott óviðeigandi spurningar á rauða dreglinum fyrir BAFTA verðlaunahátíðina.

Myndband af atvikinu hefur farið eins og eldur í sinu um netheima. Scott var að spjalla við blaðamann BBC, Colin Paterson, sem spurði hann spurninga um annan írskan leikara, Barry Keoghan.

Keoghan fór með glæsileik í myndinni Saltburn en nektaratriði hans í myndinni hefur verið umtalað.

Paterson spurði Scott út í atriðið, þó Scott hafi ekkert haft með myndina að gera.

Hann spurði síðan leikaranum út í manndóm Keoghan og hvort Scott vissi hvort Keoghan hafi notað gervilim eða ekki í atriðinu.

Á þessum tímapunkti hafði Scott augljóslega fengið nóg og gekk í burtu.

This is frankly disgusting. Andrew Scott is there to support his multiple nominated film and THIS is what you ask? Then when he looks visibly uncomfortable the guy carried on. Truly horrid. #BAFTAs pic.twitter.com/42VEoBXRQi

— Alex Gilston 🔜 GFF 2024 (@PresenterAlex) February 18, 2024

Netverjar hafa gagnrýnt blaðamann BBC harðlega.

„Andrew Scott er þarna út af myndinni hans [All of Us Strangers], sem hlaut fjölda tilnefninga, og þú spyrð hann að þessu? Það var augljóst að honum þótti þetta óþægilegt en blaðamaðurinn hélt samt áfram,“ sagði einn netverji.

Fleiri voru sammála og sögðu sumir að þetta hafi verið „dónalegt og vandræðalegt.“

„Hefði hann spurt Paul Mescal, sem er gagnkynhneigður, þessarar spurningar? Alls ekki,“ sagði einn. Andrew Scott er samkynhneigður.