Ástralski arkitektinn Bianca Censori, sem er hvað þekktust fyrir að vera eiginkona rapparans Kanye West, heldur áfram að hneyksla.
Fyrir viku síðan setti hún internetið á hliðina þegar myndir af henni ganga um í gegnsæjum regnjakka, í engu undir, fóru á dreifingu.
Sjá einnig: Eiginkona Kanye West kviknakin undir gegnsæjum regnjakka
Hún var úti á meðal almennings, á leið í upptökuver eiginmanns hennar.
Front and back view of Kanye West & Bianca Censori trending outfit. pic.twitter.com/j5ONTZsKMS
— Viral Media around the world (@UmerFar44576392) February 7, 2024
Þetta var hvorki í fyrsta né síðasta skipti sem fataval hennar verður umdeilt. Á aðfaranótt mánudags var Ofurskálin og eftir leikinn mættu stjörnurnar í partý hingað og þangað.
Kanye West hélt eitt slíkt partý og mætti að sjálfsögðu eiginkona hans, og það ætti ekki að koma fólki á óvart að fataval hennar hafi verið djarft.
Hún var í einhvers konar samfellu, ef svo má kalla, og engu öðru.
Kanye West birti myndband af henni í partýinu á Instagram.
Prófaðu að endurhlaða síðuna ef þú sérð ekki færsluna hér að neðan.
View this post on Instagram
Sjá einnig: Kanye birti umdeildar djarfar myndir af eiginkonu sinni
Netverjar hafa lýst yfir áhyggjum af Biöncu en hegðun hjónanna virðist sífellt furðulegri og furðulegri. Í byrjun árs fór Kanye að birta myndir af eiginkonu sinni sem hafa verið mjög umdeildar. Hann endaði með að eyða öllu út af Instagram eftir að hann birti síðustu myndina af Biöncu en hefur nú birt nokkrar nýjar færslur, en engar myndir af henni.
Eftir að myndirnar af Biöncu í regnjakkanum vöktu heimsathygli greindu miðlar vestanhafs frá því að foreldrar Biöncu væru í uppnámi og væru hræddir um að Kanye hafi fullkomna stjórn á henni.
