Hlustaðu á þáttinn hér að neðan, einnig er hægt að hlusta á Apple Podcasts eða hlaðvarpsþjónustu Google.
Alda Guðrún Jónasdóttir skaust fram á sjónarsviðið í kringum 2009. Hún tók stuttu síðar upp viðurnefnið Coco sem festist við hana og hefur síðan þá verið þekkt sem Alda Coco.
Sjá einnig: „Konur eru búnar að missa allan kynþokka því þær eru orðnar svo gervilegar“
Alda var gestur í Fókus, spjallþætti DV, í síðustu viku. Talið barst að fegrunaraðgerðum og fylliefnum. Alda hefur aldrei farið leynt með hvað hún hefur látið gera við sig með aðstoð lýtalækna en segist vera komin með nóg og langa að fara til baka.
„Ég hef bara farið í eina aðgerð, sem flokkast sem lýtaaðgerð. Það er brjóstastækkun, sem örugglega 90 prósent af þjóðinni búin að gera í dag,“ sagði hún og hló.
„Svo lét ég fylla í varirnar á mér nokkrum sinnum en ég er löngu hætt því. Komin örugglega þrjú ár síðan.“
Öldu langar að láta leysa upp fylliefnið sem er eftir í vörum hennar. „Svo var ég að pæla að láta eyða þessu. Ég er ekki að fíla þetta,“ sagði hún.
„Mér finnst þetta ekkert flott lengur, þetta er ekkert kúl.“
Alda ræðir þetta nánar í spilaranum hér að ofan. Brotið er hluti af nýjasta þætti af Fókus, horfðu á hann í heild sinni hér. Þú getur einnig hlustað á hann á Spotify og öllum helstu hlaðvarpsveitum.
Fylgstu með Öldu Coco á Instagram.
