Hlustaðu á þáttinn hér að neðan, einnig er hægt að hlusta á Apple Podcasts eða hlaðvarpsþjónustu Google.
Alda Guðrún Jónasdóttir skaust fram á sjónarsviðið í kringum 2009. Hún tók stuttu síðar upp viðurnefnið Coco sem festist við hana og hefur síðan þá verið þekkt sem Alda Coco.
Alda hefur verið gagnrýnin á notkun filtera og myndvinnsluforrita á samfélagsmiðlum. Aðgengi að einföldum forritum, eins og Facetune, hefur aukist gríðarlega undanfarin ár. Það hefur aldrei verið auðveldara að slétta húðina, minnka eða stækka einstaka líkamshluta og svo framvegis.
„Mér finnst þetta náttúrulega bara út í hött. Þetta er bara rugl. Konur eru búnar að missa allan kynþokka því þær eru orðnar svo gervilegar og plastlegar. Þegar þú ert komin með svo mikið af filterum eða segjum bara lýtaaðgerðum eða eitthvað, þú missir allan kynþokka. Verður bara gervileg og asnaleg. Mín skoðun á þessu er að mér finnst þetta alveg út í hött,“ segir hún.
Sum lönd eru byrjuð að vinna gegn þessu eins og Noregur. Árið 2021 voru lög samþykkt þar í landi sem skylda áhrifavalda til þess að merkja þær myndir sem er búið að eiga við.
Alda ræðir þetta nánar í spilaranum hér að ofan. Brotið er hluti af nýjasta þætti af Fókus, horfðu á hann í heild sinni hér. Þú getur einnig hlustað á hann á Spotify og öllum helstu hlaðvarpsveitum.
Fylgstu með Öldu Coco á Instagram.
