fbpx
Föstudagur 04.apríl 2025
Fókus

Brynjar myndi ekki þola sig ef hann væri ekki hann sjálfur

Fókus
Fimmtudaginn 1. febrúar 2024 17:30

Brynjar Níelsson

Ekki missa af Helstu tíðindum dagsins í pósthólfið þitt

Lesa nánar

Undanfarna daga hafa staðið yfir opinberar deilur milli Brynjars Níelssonar, varaþingmanns Sjálfstæðisflokksins og embættismanns í fjármálaráðuneytinu, og Vilhjálms Vilhjálmssonar lögmanns. Varð kveikjan að orðaskaki þeirra á milli uppákoma sem varð á þorrablóti Stjörnunnar um liðna helgi þar sem Helgi sonur Brynjars fór með gamanmál sem voru ekki Vilhjálmi að skapi en Brynjar var veislustjóri. Deilur Brynjars og Vilhjálms ná þó nokkur ár aftur í tímann og eiga upphaf sitt í umdeildri skipan dómara við Landsrétt. Brynjar birti nýja færslu fyrr í dag á Facebook-síðu sinni þar sem hann hæðist enn og aftur að Vilhjálmi en segir færsluna verða lokaorð sín í þessum erjum.

Sjá einnig: Brynjar hæðist að Vilhjálmi eftir uppákomuna á þorrablótinu – Nýjasti kaflinn í erjum þeirra

Sveinn Andri Sveinsson lögmaður blandaði sér einnig í deilurnar til stuðnings Vilhjálmi og áttu hann og Brynjar í miklu orðaskaki á Facebook-síðu Brynjars.

Sjá einnig: Brynjar og Sveinn Andri hnakkrífast:„Biturð þín og óvild frussast hér út úr þér“

Vilhjálmur hefur einnig sagt sína hlið á málinu.

Sjá einnig: Vilhjálmur segist ekki hafa verið kallaður leðurhommi eða BDSM-lögmaður

Í færslunni á Facebook-síðu sinni segist Brynjar skilja Vilhjálm vel:
„Ég skil vel ólund Villa út í mig. Ef ég væri ekki ég sjálfur þyldi ég mig ekki.“

Vilhjálmur hafi þó ekki farið rétt að við að koma óánægjunni á framfæri:

„Það er ekki mikill bragur á því að vaða að sviðinu í miðju atriði til að vera með gífuryrði gagnvart fjölskyldu unga mannsins og ekki síst föður hans. Hefði verið nær að vaða í mig sem var á staðnum. Ég hefði alveg treyst mér til að beygja mig niður og ræða við Villa um hvað sem er, jafnvel um Gucci, Armani og alla þá bræður.“

Brynjar segir að líklega hefðu hann og Helgi, sonur hans, átt að sleppa því að hæðast að Vilhjálmi en samt ekki:

„Viðurkenni að það var ótuktarskapur en Villi átti það eiginlega soldið skilið. Svo hélt ég að hann hefði sæmilega breitt bak. Hann lætur allavega þannig.“

Brynjar segir að fleiri orð um þessar erjur við Vilhjálm og einnig Svein Andra muni hann ekki viðhafa:

„Nú hef ég lokið umræðu minni um Villa Vill og Svein Andra, allavega í bili. Maður á ekki að ergja stjörnulögmenn, það mun bara koma í bakið á manni. Held að ég haldi mig bara við Gísla Martein og Björn Leví. Þeir eru með breið bök og svara skemmtilega fyrir sig.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Áslaug er ein þeirra sem komst heil frá borði – Segir karlmenn mæta meiri skilningi

Áslaug er ein þeirra sem komst heil frá borði – Segir karlmenn mæta meiri skilningi
Fókus
Fyrir 2 dögum

Sydney Sweeney og unnustinn hætt saman – Er orðrómurinn að rætast?

Sydney Sweeney og unnustinn hætt saman – Er orðrómurinn að rætast?
Fókus
Fyrir 3 dögum

Ragnhildur með skýr skilaboð – „Það tekur tíma að fella grímuna alveg en það er þess virði fyrir aukið sjálfstraust, sterkari sjálfsmynd, betri heilsu“

Ragnhildur með skýr skilaboð – „Það tekur tíma að fella grímuna alveg en það er þess virði fyrir aukið sjálfstraust, sterkari sjálfsmynd, betri heilsu“
Fókus
Fyrir 3 dögum

Vikan á Instagram – „Hvað er langt í sumarið? Ég er að spyrja í alvöru“

Vikan á Instagram – „Hvað er langt í sumarið? Ég er að spyrja í alvöru“
Fókus
Fyrir 4 dögum

„Ég heillaðist strax af þessu óbilandi sjálfstrausti“

„Ég heillaðist strax af þessu óbilandi sjálfstrausti“
Fókus
Fyrir 4 dögum

Ósk og Sveinn selja ótrúlega lúxuskerru – Húsið sem þau leigja einnig á sölu

Ósk og Sveinn selja ótrúlega lúxuskerru – Húsið sem þau leigja einnig á sölu