Einnig er hægt að hlusta á Spotify eða hlaðvarpsþjónustu Google.
Helgi var í ofbeldissambandi í átta ár. Það tók hann langan tíma að átta sig á því sem væri að gerast fyrir hann, en ofbeldið var andlegt og vissi hann ekki hvað gaslýsing og narsisissti var á þeim tíma. Með mikilli sjálfsvinnu er hann kominn á þann stað sem hann er í dag og hefur ákveðið að nota sína upplifun til að hjálpa öðrum.
Andlegt ofbeldi er oft lúmskt og getur verið mjög dulið. Á vef Sjúkást má lesa nánar um birtingarmyndir þess.
„Maður er svo hræddur að manni sé ekki trúað,“ segir Helgi í þættinum.
„Þegar maður er undir svona mikilli gaslýsingu og ofbeldi þá ertu að efa hvern einasta bita af hver þú ert, hvað þú segir, hvað þú hugsar. Þú verður algjört grænmeti hvað þetta varðar,“ segir hann.
„Ég vildi óska þess að hann hefði buffað mig. Bara rosalega mikið, því þar kikkar líka inn réttlætið. Þú getur aldrei unnið með svona ofbeldisfólki. Sérstaklega ekki þegar þetta er orð gegn orði, þetta er hræðilegt. Lög og reglur eru ekki með þolendum í liði.“
„Í mínu tilfelli voru fyrstu mánuðirnir algjört bliss. Það voru þokkalega rauð flögg frá fyrsta hitting en ég var 21 árs og hann 23 ára. Maður tók þessu ekki alvarlega,“ segir Helgi og ræðir nánar rauðu flöggin í spilaranum hér að ofan.
„Í grófum dráttum þá var þetta þannig að þú gast aldrei gert neitt rétt […] Gaslýsingin er náttúrulega ótrúlega lúmsk. Ég gef honum alveg credit fyrir það, hann er rosalega góður ofbeldismaður. Þetta var rosalega hægur dauði. Það gerir mig líka pínu hræddan, þetta er eins og eldast. Þú sérð ekki allt í einu hrukkur mæta. Þetta er oft kallað í ofbeldisumræðu: Death by a thousand papercuts.“
Fylgstu með Helga á Instagram og hlustaðu á hlaðvarpið Helgaspjallið á Spotify og Apple Podcasts.
Smelltu hér til að sjá hvar þú getur leitað hjálpar ef einhver er að beita þig eða einhvern sem þú þekkir ofbeldi.
