Það kom aðdáendum verulega á óvart þegar Sofia og Joe tilkynntu um hjónaskilnað í júlí 2023.
Þau voru eitt heitasta og dáðasta par Hollywood. Þau byrjuðu saman árið 2014 og giftust ári síðar. Fljótlega greindu fjölmiðlar frá því að það hafi verið Joe sem sótti um skilnaðinn frá Sofiu.
Hvorugt þeirra hefur tjáð sig opinberlega um ástæðu skilnaðarins en sá orðrómur hefur verið á kreiki um að ósætti um barneignir hafi verið orsökin.
Sofia staðfesti að það væri rétt, að Joe hafi viljað barn en ekki hún. Leikkonan er 51 árs og vill ekki vera gömul mamma. Hún sagði í viðtali við El País að hún væri búin með þann kafla í lífinu að vera mamma og hún sé frekar tilbúin að verða amma, en sonur hennar er 32 ára.
„Hjónabandið slitnaði því eiginmaður minn var yngri en ég. Hann vill eignast börn og ég vil ekki verða gömul mamma. Mér finnst það ekki sanngjarnt gagnvart barninu,“ sagði hún.
Joe er 47 ára og er nú í sambandi með leikkonunni Caitlin O‘Connor, 34 ára.
„Ég er næstum því komin á breytingaskeiðið, það er náttúrulega ferlið. Þegar sonur minn verður pabbi þá getur hann komin með barnið til mín í smá tíma og svo skila ég honum því og held áfram með mitt líf. Það er það sem ég verð að gera,“ segir hún.
Sofia sagði að hún væri opin fyrir ástinni, á meðan sá aðili er búinn með barneignir eins og hún.
