Arna Bára fór yfir síðastliðin ár í færslu á Instagram. Hún sagði að árið 2021 hafi hún breyst, árið 2022 hafi hún brotnað, árið 2023 hafi hún opnað augun og núna, árið 2024, mun hún koma til baka.
Óljóst er um hvað Arna Bára er að tala um en hún gekk í gegnum skilnað fyrir nokkrum árum. Hún var í sambandi með OnlyFans-stjörnunni Heiðari Árnasyni í mörg ár og eiga þau saman þrjú börn. Þau giftust í Las Vegas árið 2018. Óvíst er hvenær leiðir þeirra skildu en þau eru bæði komin með nýja maka.
Arna Bára giftist argentísku fyrirsætunni Ian Hachmann í júlí í fyrra og framleiða þau erótískt efni saman fyrir OnlyFans.
Heiðar, sem er búsettur á marbella á Spáni, fann ástina í örmum spænsku fyrirsætunnar Mari Cielo Pajares. Þau framleiða erótískt efni saman.
Sjá einnig: Heiðar fann ástina í faðmi spænskrar fyrirsætu
Arna Bára og Ian gengu í það heilaga hér á landi síðasta sumar. Athöfnin var tvær mínútur og fór fram á snekkjunni Amelia Rose.
„Dagurinn var fullkominn á allan hátt og allt bara gat ekki verið betra. Gestirnir voru allir svo tímalega þannig að veislan byrjaði snemma og ég gat bara ekki verið glaðari,“ sagði Arna Bára í samtali við DV.
Ljóst er að spennandi tímar eru fram undan hjá stjörnunni og við óskum henni alls hins besta á nýju ári.
Sjá einnig: Arna Bára og argentínska fyrirsætan uppskera eins og þau sá
