Stiklan fyrir tólftu þáttaröð American Horror Story er nýkomin út. Þáttaröðin ber undirtitilinn Delicate og er byggð á bók Danielle Valentine, Delicate Condition. Emma Roberts leikur aðalhlutverkið, en auk hennar eru raunveruleikastjarnan Kim Kardashian og leikkonan og fyrirsætan Cara Delevingne á meðal leikara.
Í AHS: Delicate leikur Roberts fræga stjörnu sem reynir á örvæntingarfull hátt að verða mamma. Sannfærist hún um að djöfulleg öfl séu að reyna að stöðva meðgöngu hennar.
Hlutverk Kim í AHS: Delicate var samið sérstaklega fyrir hana og í viðtali við Hollywood Reporter segir skapari AHS, Ryan Murphy: „Halley Feiffer hefur skrifað skemmtilegt, stílhreint og ógnvekjandi hlutverk sérstaklega fyrir Kim, og þessi þáttaröð er metnaðarfull og ólíkt öllu sem við höfum gert hingað til.“
Þetta er ekki fyrsta hlutverk Kim, því auk þess að hafa „leikið„ sjálfa sig í raunveruleikaþáttum um Kardashian fjölskylduna, hefur hún komið fram í smærri hlutverkum í Disaster Movie, Temptation: Confessions of a Marriage Counselor
Og talað inn á tvær teiknimyndir um Hvolpasveitina (e. Paw Patrol).
AHS: Delicate verður frumsýnd á Hulu 20. september og í lok október er sérstakur Hrekkjavökuþáttur.
