Bandaríska óskarsverðlaunaleikkonan Gwyneth Paltrow hefur nú selt gestahús sitt í Montecito í Kaliforníu í útleigu á Airbnb. Sjálf lýsir hún húsinu sem „fallegu litlu gestahúsi„ en húsið er langt frá því að vera lítið. 

Húsið er staðsett í bakgarðinum hjá 1300 fm húsi Paltrow, en nýlega fengu fylgjendur hennar á Instagram innlit á heimilið sem hún hannaði sjálf og lýsir sem athvarfi fyrir „hvíld og andlegan skýrleika.“

Gestahúsið er á tveimur hæðum, á neðri hæð er hlýleg stofa með viðarhúsgögnum, eldhúsinnréttingu, arinn, bar og borðstofuborði. Efri hæð er opinn og hægt að horfa niður í stofnuna, þar er svefnherbergi með rúmi í queen stærð, baðherbergi með baðkari og úrval af Goop snyrtivörum sem er fyrirtæki Paltrow. Úr stofunni er gengið út á einkaverönd.

Paltrow býður gestum að njóta sundlaugarinnar sem tilheyrir aðalhúsinu og segist jafnvel til í kvöldverð með gestum sem einkakokkur mun sjá um að elda, maturinn er að sjálfsögðu frá Goop. Paltrow lofar einnig að gestir fái að taka heim með sér vörur frá Goop auk fjölda heilræða til að halda vegferð til andlegrar heilsu áfram þegar heim er komið.

Á meðal nágranna Paltrow eru hjónin Harry og Meghan Markle, leikararnir Rob Lowe, Cameron Diaz og Jennifer Aniston, Ellen DeGeneres, og söngkonan Ariana Grande.

Einn hængur er þó á auglýsingunni því aðeins er ein nótt í boði fyrir tvo gesti þann 9. September. Verð er ekki uppgefið en hægt er að skrá sig frá 15. ágúst.