Arna Bára Karlsdóttir, 35 ára, er stærsta OnlyFans-stjarna okkar Íslendinga og með þeim stærstu í heimi.

Arna Bára, semer búsett á Spáni ásamt fjölskyldu sinni, er nú stödd á Íslandi og tilefnið er aldeilis gleðilegt því Arna Bára og unnusti hennar, argentíska fyrirsætan Ian Hachmann ætla að gifta sig. 

Í færslu á Facebook hvetur Arna Bára fylgjendur sína til að fylgjast vel með því parið, verðandi hjónin, ætla að vera dugleg að pósta frá ferðinni sem Arna Bára segir stórt ævintýri út í gegn.

„Þegar maður er á réttri stefnu í lífinu þá gengur alltaf allt upp sem er alveg magnað, erum á Brim Hotel Reykjavik og vorum að fá skilaboð frá eigandanum að þau eru að senda okkur upp í golden circle í dome sem þau eru með þar og svo þegar við komum til baka þá fáum við betra herbergi en við bókuðum,“ segir Arna Bára. 

„Allt þetta ævintýri byrjaði þegar við sögðum Sóley Sigurjónsdóttir og Axel Már að við vildum gifta okkur og þá bara strax voru þau búin að redda fjögurra hæða snekkju og svo sendir Hakon Freyr Hovdenak & Brynja Hjaltalín að þau vilji gefa okkur sterkt í drykkina fyrir veisluna frá Hovdenak Distillery og bara draumur að verða að veruleika á nokkrum dögum. Ekki missa af hvað við erum að pósta alls staðar næstu daga því þessi ferð er eitt stórt ævintýri út í gegn.“

Hjónakornin gista núna í lúxustjaldi á Selfossi, sem er í eigu sömu eigenda og Brim hótel og má finna á booking.com undir nafninu Golden Circle Domes Glamping Experience.  Má sjá myndir af heimsókninni á samfélagsmiðlum Örnu Báru.

Vinsældir, og þar með tekjur, Örnu Báru eru miklar en hún er með rúmlega 260 þúsund áskrifendur á OnlyFans, 3,4 milljón fylgjendur á Instagram og um 1,6 milljón fylgjenda á Facebook. Hún heldur einnig úti „varaaðgangi“ á Instagram sem er með yfir 173 þúsund fylgjendur. Notar hún síðan vinsældirnar á samfélagsmiðlum óspart til að auglýsa OnlyFans-síðu sína þar sem kaupa þarf aðgang.