Einnig er hægt að hlusta á Spotify eða hlaðvarpsþjónustu Google.

Vigdís hefur fengið viðurnefnið „stóra systirin“ á TikTok. Hreinskilin stefnumótaráð hennar hafa slegið í gegn en nú talar hún um líf einhleypunnar í þátíð. Hún er komin í samband og ætlar parið að flytja inn saman á næsta ári.

Ekki stunda kynlíf á fyrsta deiti

Við spurðum Vigdísi hvað væri hennar besta ráð fyrir konur í leit að sambandi með karlmanni.

„Aldrei ríða á fyrsta deiti,“ segir hún.

Af hverju ekki?

„Ekki ef þig langar að deita manneskjuna. Ég held að öll sambönd sem ég hef verið í, þar sem ég hef byrjað strax á þessum hluta, þá hefur það ekki tekist. Það hefur alltaf flosnað upp úr því. En ef maður bíður og kynnist manneskjunni, ég held að það sé betra, ef þig langar í langtímasamband.“

Hvað er kjörið að bíða lengi?

„Fimm stefnumót. Ég er komin þangað sko, en ég er líka komin á þann aldur að ég vissi að ég þyrfti að breyta til. Það sem ég var að gera var ekki að virka, ég var ekki að finna rétta fólkið fyrir mig.“

„Ég hef alveg verið í sambandi með fólki sem líkar ekki einu sinni vel við mig“

Vigdís tekur það fram að hún sé ekki að segja fólki að hætta að stunda kynlíf.

„Það er allt í lagi að vilja stunda kynlíf og þá einmitt fara út með það í huga og finna sér þann aðila. En ekki halda að situationshippið þitt eða fuckbuddyinn þinn sé að fara að breytast í samband. Ég held að það sé það sem maður finnur fyrir, maður verður hrifinn af ranga fólkinu ef maður er að gera það sem virkar ekki. Strákar eru að fara að gera það hvort sem er, þeir eru að fara að ríða, þó þeir fíli þig ekki. Ég hef alveg verið í sambandi með fólki sem líkar ekki einu sinni vel við mig. Sumum finnst bara gaman að vera með félagsskap og rífast, sérstaklega við manneskju eins og mig sem er gaman að rökræða við.

En ég fatta að maður á líka skilið gentle love og að vera með einhverjum sem fílar mann. Finnið fólk með sameiginleg áhugamál. Það er alltaf sagt að andstæður passa svo vel saman, andstæður laða, það sé gott að vera með einhverjum sem er ekkert eins og þú. Ég held að það sé ekki rétt. Það er búið að vera að ljúga að okkur. Ég er núna með manneskju og verið erum eiginlega sama manneskjan og það er svo gaman.“

Hún segir nánar frá þessu í spilaranum hér að ofan. Brotið er hluti af nýjasta þætti af Fókus, sem má horfa á í heild sinni hér.

Fylgstu með Vigdísi á Instagram og TikTok.

Hlusta á hlaðvarpið Kallaðu mig Howser.

Fever Dream á Spotify.