Svona hefst bréf konu til kynlífs- og sambandsráðgjafa The Sun, Deidre.
„Hann tók nýlega upp á því að kaupa kynþokkafull nærföt og kynlífstæki og er sífellt að fá mig í rúmið, sama hvað klukkan er. Mér var farið að líða eins og kynþokkafyllstu konu jarðríkis,“ segir hún.
En þá gerði hún ömurlega uppgötvun. „Þessi nýfundna ástríða er tilkomin vegna klámfengra samskipta hans við fjórar aðrar konur. Ég skil ekki hvernig hann gat gert mér þetta. Og það versta er að honum finnst hann ekki hafa gert neitt rangt,“ segir konan.
Hún er 48 ára og eiginmaður hennar er 52 ára. Þau hafa verið saman í 25 ár og eiga tvær dætur sem eru komnar á fullorðinsaldur.
„Hjónabandið okkar hefur verið á mjög slæmum stað undanfarin ár, við vorum alltaf að rífast og stunduðum aldrei kynlíf. Við vorum við það að skilja. En allt í einu breyttist eitthvað, maðurinn sem ég giftist kom til baka og við byrjuðum að stunda kynlíf á fullu, allt að fimm sinnum í viku,“ segir hún.
„Ég var svo hamingjusöm, ég hugsaði ekkert út í hvað gæti verið að kalla fram þessa breytingu hjá honum. En svo sá ég skilaboð sem hann fékk frá annarri konu á Facebook, ég gat ekki annað en skoðað þau og ég komst að því að hún er ein af fjórum konum sem hann hefur verið að daðra við og meira að segja lýsa því í smáatriðum hvað hann langar að gera við þær í rúminu.
Þegar ég ræddi um þetta við hann þá sagði hann að ég væri að vera kjánaleg, þetta væri á netinu og teldist ekki sem framhjáhald.
Ég get ekki horft á hann sömu augum.“
„Hann hefur greinilega farið yfir þín mörk og eyðilagt traustið sem þú barst til hans. Þó sumir líta svo á að senda skilaboð sé ekki jafn slæmt og að halda framhjá í persónu, þá getur það samt verið jafn sárt.
Þú ert ekki að vera kjánaleg, ef hann var vísvitandi að fela þetta fyrir þér og fara á bak við þig, þá veit hann innst inni að hann var að gera eitthvað rangt.
Til þess að komast í gegnum þetta verður hann að skilja hvernig hann særði þig. Það er ómögulegt að endurbyggja sambandið nema með því að endurbyggja traustið í leiðinni.“
