Áhrifavaldurinn, raunveruleikastjarnan og markaðsstjórinn Birgitta Líf Björnsdóttir var hæstánægð með steypiboðið (e. babyshower) sem vinkonur hennar héldu fyrir hana um helgina.
Hún á von á sínu fyrsta barni með kærasta sínum, Enok Jónssyni.
Birgitta Líf, 31 árs, er markaðsstjóri World Class en einnig erfingi veldisins. Enok, 22 ára, er sjómaður og iðnaðarmaður. Þau byrjuðu að hittast í kringum áramótin 2022 og urðu par um vorið. Þau eiga von á sínu fyrsta barni saman.
View this post on Instagram
Birgitta Líf birti fallegar myndir á Instagram frá deginum.
„Við Enoksson fengum fullkomið babyshower í gær. Við erum svo sannarlega umvafin fullt af dásamlegum vinkonum. Takk fyrir okkur,“ skrifaði hún.
View this post on Instagram
Það voru glæsilegar skreytingar, bleyjuturn og aðdáendur LXS verða örugglega spenntir að vita að það hafi verið tökulið á staðnum, svo líklegt er að það verði sýnt frá veislunni í næstu þáttaröð af raunveruleikaþáttunum LXS.
Hafdís Jónsdóttir, móðir Birgittu, birti einnig fallega mynd.
View this post on Instagram
Í lok sumars opnaði parið sig um þeirra fyrstu kynni. Það er óhætt að segja að það hafi ekki verið ást við fyrstu sýn. Enok og vinir hans þurftu að forða sér á hlaupum frá brjálaðri Birgittu sem sparkaði síðan svo fast í bíl þeirra að stuðarinn losnaði.
