Áhrifavaldurinn Sunneva Einarsdóttir var að ferðast frá París til Manchester og leyfði áhugasömum að fylgjast með ævintýrum hennar á flugvellinum. Hún birti myndband á TikTok sem hefur slegið í gegn og fengið rúmlega 22 þúsund í áhorf, en Sunneva nýtur mikilla vinsælda á samfélagsmiðlum, með yfir 33 þúsund fylgjendur á TikTok og 57 þúsund á Instagram.
Hún var í París til að fagna afmæli vinkonu hennar, Hildar Sifjar Hauksdóttur og er nú komin til Manchester til að fara á fótboltaleik með vinkonu sinni, Birtu Líf Ólafsdóttur, á vegum Betson. Þær halda saman úti vinsæla hlaðvarpinu Teboðið.
Sjá einnig: Skvísustælar í afmælisdjammi Hildar í París
„Ég er hérna mætt á flugvöllinn í París, ég var í skvísuferð en er núna mætt ein upp á flugvöll því ég er að fara til Manchester […] ég ætla að hitta Birtu þar, en við erum að fara á fótboltaspil í boði Betson. Við erum ekkert eðlilega spenntar,“ sagði Sunneva.
Hún sýndi frá leit sinni að góðu kaffi, makkarónukaupum og sagði frá skondnum samskiptum hennar og starfsmanns á flugvellinum.
„Sjúklega fyndið, ég var að skoða snyrtivörur og það labbaði starfsmaður upp að mér og var að spyrja mig út í gallann minn,“ segir hún og bætir við að umræddi galli sé frá merkinu Lululemon.
„Hún var að spyrja hvort það sé þannig búð í París og ég sagði henni það, og hún var að spyrja í hvaða stærð ég er í öllu og spurði hvort hún mætti snerta og var að toga í gallann og svona, allt í góðu. Svo var ég að fara og hún sagði: „No, no, I give you gift.“ Hún gaf mér MAC varalit og MAC dagkrem og mér leið eins og ég væri að stela, [hún sagði mér að setja þetta í veskið mitt.] Og ég bara: Má ég það? Þannig ég veit ekki hvort ég rændi búðina eða hvort hún var að fokka í mér eða hvort ég mátti í alvöru að taka það. Allavega, ég fékk rauðan varalit og dagkrem, ekki slæmt.“
Fylgjendur Sunnevu höfðu gaman af þessu og óskuðu eftir fleiri svona myndböndum frá ferðinni.
Sjáðu myndbandið hér að neðan.
@sunnevaeinarslets us know ef þið viljið fleirri vlogs úr ferðinni♬ original sound – Sunneva Einars
