Cavallari, 36 ára, var gift NFL-leikamanninum Jay Cutler. Þau eiga saman þrjú börn og skildu árið 2020.
Hún hóf raunveruleikaferil sinn í þáttunum Laguna Beach og The Hills. Síðan þá hefur hún rekið eigið lífsstíls merki, Uncommon James.
Cavallari er einnig með hlaðvarpsþáttinn Let‘s Be Honest og í nýjasta þættinum gaf hún hlustendum ráð. Hún sagði það ekki skipta máli hvenær þú sefur hjá karlmanni.
Í þættinum, það má sjá umrætt brot á Instagram-síðu hennar, svaraði hún spurningum aðdáenda. Ein kona spurði: „Hvað áttu að fara á mörg stefnumót með karlmanni áður en þú sefur hjá honum?“
Cavallari sagði að áður fyrr hafi hún trúað því að best væri að „láta karlmann bíða í þrjú eða fjögur stefnumót“ en nýlega hafi hún áttað sig á því að það væri fáránlegt.
„Ég held að það skipti engu máli. Það skiptir engu máli! Ef þú sefur hjá honum á fyrsta eða tíunda stefnumótinu, ef það er enginn neisti eða engar tilfinningar til staðar, þá skiptir það ekki máli,“ sagði hún.
@kristincavallariWhat do you think?? Agree? New episode of Lets Be Honest is out!
Margir hefðu haldið að tímarnir væru breyttir og sú hugmynd um að virði konu minnki við samfarir sé út í hött, en miðað við athugasemdir netverja eru enn sumir þeirrar skoðunar.
„Ömurlegt ráð,“ sagði ein kona.
„Er það svona sem þú vilt að dóttir þín eða einhver sem giftist syni þínum hugsi?“ sagði önnur.
Fjöldi karlmanna skrifuðu einnig við færsluna. „Sem karlmaður, sorrí, en ég hef lægra álit á konu sem sefur hjá á fyrsta stefnumóti, kannski er það ekki sanngjarnt en þannig líður mér,“ sagði einn.