Strætóskýli á Kringlumýrarbraut hefur vakið mikla athygli fjölmargra vegfarenda síðasta sólarhringinn. Strætóskýlið er hið glæsilegasta, mjög kósí og jólalegt. Þak hefur verið smíðað á skýlið og það er meðal annars upphitað og teppalagt með sófa og sjónvarpi. Vodafone á heiðurinn af þessum breytingum á strætóskýlinu sem mun vera jólastofa næstu tíu daga á Kringlumýrabraut.

Á föstudag fór starfsfólk Vodafone með óvæntar jólagjafir til fólks sem beið eftir strætó í jólastofunni. Fólk fékk meðal annars síma frá Samsung, spjaldtölvur, heyrnartól og heitt kakó. Allir voru að vonum himinlifandi með glaðninginn.

,,Við erum í skýjunum með viðtökurnar á jólastofunni okkar. Það sem stóð upp úr var þegar ungur piltur fékk gjöf en vildi gleðja einhvern annan og gaf sína gjöf áfram. Það er einmitt það sem jólin snúast um að gleðja aðra,“ segir Lilja Kristín Birgisdóttir forstöðumaður markaðs- og samskiptamála hjá Vodafone