Horfðu á þáttinn í heild sinni hér.
Stefanía tók þátt í Söngvakeppni sjónvarpsins í fyrra með laginu „Hjartað mitt.“ Síðar sama kvöld stal karlmaður hjarta hennar.
Stefanía og Gísli Gunnar Didriksen Guðmundsson hafa þekkst síðan þau voru saman í framhaldsskóla. Þau vissu af hvort öðru í gegnum árin og leiðir þeirra lágu saman eitt örlagaríkt kvöld í partýi eftir Söngvakeppnina.
„Mig langaði bara í sleik. Það er það sem mig langaði, það var það sem mig langaði að fá út úr þessu kvöldi,“ segir hún.
„Ég var búin að vera að eltast við hann og hann var ekki alveg að bíta á agnið. Þarna var ég líka svo mikið að æfa mig í að biðja um það sem ég vildi og vera súper heiðarleg og það fór alveg í öfgarnar. Eftir að hafa verið búin að eltast við hann í smá tíma í þessu partýi þá dró ég hann afsíðis og bara: „Heyrðu, mig langar að fara í sleik við þig, ertu til í það?““ Hann svaraði játandi.
„Svo fórum við heim saman og höfum eiginlega verið saman síðan.“
Stefanía segir að það hafi gengið furðu vel að blanda Gísla Gunnari í líf sitt, kynna hann fyrir börnunum og í dag kalla þau hann pabba.
„Ég gerði honum líka ljóst að þetta væri pakkadíll, ég. Ég er með tvö börn og þau koma fyrst, alltaf. Og hann var bara til í það og hefur tekið því hlutverki mjög alvarlega,“ segir hún.
Hún segir nánar frá þessu í spilaranum hér að ofan.
Fylgstu með Stefaníu á Instagram og smelltu hér til að hlusta á tónlistina hennar á Spotify.
