Það var svo sannarlega sjóðandi heit stemning í kynlífstækjaversluninni Blush á föstudaginn síðastliðinn.

Bleiki dregillinn var dreginn fram og var glamúr og glæsileikinn allsráðandi hjá hressum gestum.

Blush er sannkallaður ævintýraheimur fullorðna fólksins en á föstudaginn var verslunin uppfærð á annað stig þökk sér fyrirtækjunum Tilefni og Listræn ráðgjöf. Þau sáu um að umturna versluninni svo að ævintýrin voru seiðandi sem aldrei fyrr!

Gógó Starr og Bobbie Michelle sáu um að halda uppi sjóðheitri stemningu ásamt tveimur burlesque dönsurum frá New York, þeim Maine Attraction og Ava Gold.

Ný íþróttagrein var kynnt á viðburðinum, dildókast, þar sem gestir fengu að spreyta sig og áttu möguleika á fullnægjandi glaðning.

Boðið var upp á veitingar í fljótandi og föstu formi frá Nomy og Ölgerðinni og Sunna Ben þeytti skífum.

Tilefnið var að kynna vörumerkin High on Love og Womanizer en Angela Mustone stofnandi High on Love var stödd á landinu. Um er að ræða hágæða unaðsvörur unnar úr hampolíu en örvandi olían frá vörumerkinu er ein best selda vara Blush.

200 manns nutu saman kvöldsins þar sem unaðurinn var allsráðandi! Það var tryllt stemning eins og má sjá á myndunum hér að neðan.

Ljósmyndari: Laimonas Dom Baranauskas frá Sunday and White Studio.