Paralympic-dagurinn verður haldinn, á vegum Íþróttasambands fatlaðra (ÍF), laugardaginn 2. desember milli kl. 13 og 15. Hátíðin verður í frjálsíþróttahúsinu sem tengt er Laugardalshöll.

Þórður Árni Hjaltested, formaður ÍF, ræðir um íþróttir fatlaðra í tilefni dagsins, á vefnum Hvatasport. Þar segir meðal annars:

„Paralympic dagurinn er nú sem hingað til helgaður kynningu á íþróttagreinum sem stundaðar eru innan vébanda Íþróttasambands fatlaðra (ÍF). Íþróttanefndir ÍF, aðildarfélög ÍF og samstarfsaðilar sambandsins koma saman í frjálsíþróttahúsinu í Laugardal, sem tengt er Laugardalshöll, til að kynna íþróttagreinar sem í boði eru og starfsemi íþróttafélaga fatlaðra. Samstarfsaðilar ÍF verða með kynningar og boðið er upp á veitingar í boði Toyota á Íslandi. Einnig verða drykkir í boði Coke á Íslandi.“

Þórður segir að markmiðið með deginum sé að auka þátttöku í íþróttum fatlaðra. Fatlaðir einstaklingar og fjölskyldur þeirra eru hvött til að mæta og kynna sér það sem í boði er. Síðan segir:

„Mikilvægi hreyfingar er mikið og ekki síst fyrir einstaklinga með fötlun sem geta með markvissri þátttöku í íþróttum aukið lífsgæði og getu til þátttöku í samfélaginu.“

Sjá nánar hér.