Lewis hefur unnið fyrir verslun Walmart í borginni Morris í Illinois síðastliðin tíu ár, en á dögunum fékk hún spennandi starfstilboð á öðrum vettvangi sem hún ákvað að þiggja.
Lewis átti augljóslega erfitt með að kveðja verslunarrisann og birti hún myndband á TikTok þar sem hún sást meðal annars tilkynna í talstöð sína að hún væri búin að stimpla sig út í síðasta sinn. Þá birti hún annað myndband af sér úti í bíl þar sem hún grét og átti í erfiðleikum með að leyna tilfinningum sínum.
Myndbandið er búið að fá yfir 20 milljón áhorf og þá er Gail komin með 90 þúsund fylgjendur á miðlinum. Bíða þeir væntanlega spenntir eftir því sem Gail gerir í framtíðinni. Þá eru komin um 40 þúsund athugasemdir á myndbandið og eru þær flestar í jákvæðum kantinum þar sem Gail er óskað velfarnaðar á nýjum vettvangi.
Carrie Moses, verslunarstjóri umræddrar verslunar í Morris, segir að Gail hafi verið frábær starfskraftur og hennar verði sárt saknað. Óskar hún henni velfarnaðar í nýju starfi en Gail hefur enn ekki opinberað það hvað hún ætlar að taka sér fyrir hendur.
@fluffygaileena♬ original sound – fluffygaileena
