Skúli Mogensen, athafnamaður og unnusta hans Gríma Björg Thorarensen innanhúshönnuður ætla að dvelja á paradísareyjunni Balí næsta mánuðinn ásamt börnum sínum. Smartland greinir frá þessu.
Synir parsins munu ganga í þarlendan leikskóla á meðan dvölinni stendur.
„Nýr leikskóli í nýju landi. Duglegu litlu stubbarnir okkar. Með gulrætur í glasi til þess að gefa leikskóla naggrísunum í morgunmat,“ skrifar Gríma við mynd af sonum þeirra, Storm og Jaka, með skólatösku á bakinu á leið í leikskólann í morgun.
Skúli og Gríma deila myndum á Instagram og segir Skúli meðal annars að líkamsrækt parsins muni samanstanda af brimbrettaæfingum og jóga.
Turtildúfurnar opnuðu sjóböðin í Hvammsvík í Hvalfirði fyrir rúmu ári og hefur reksturinn gengið vel þó eflaust hafi verið í mörg horn að líta.
