Sefur þú fjóra til fimm tíma á næturnar á virkum dögum en „bætir“ úr því um helgar með því að sofa langt fram eftir degi? Það er best að hætta því, þar sem það virkar ekki.

Erla er gestur í nýjasta þætti af Fókus, spjallþætti DV í umsjón Guðrúnar Óskar Guðjónsdóttur.

Hún er sálfræðingur og doktor í líf- og læknavísindum og  hefur sérhæft sig í rannsóknum á svefni og meðferðum gegn svefnleysi. Hún er stofnandi og framkvæmdastjóri Betri Svefns.

Horfðu á þáttinn í heild sinni hér.

Sumir sem fá lítinn svefn á virkum dögum ætla svo að „vinna það upp“ um helgar og sofa til hádegis eða lengur. Aðspurð hvort það virki, að „vinna upp“ svefn, svarar Erla:

„Nei, því miður. Þetta virkar ekki svona. Þetta er ekki eins og banki þar sem þú getur safnað upp skuld og bætt sér svo það upp um helgar. Vissulega getur maður unnið upp einhverja orku með því að ná góðri hvíld. En svona ójafnvægi í svefni er miklu meira til þess fallið að búa til svefnvanda og valda vandræðum heldur en hitt. Þegar við erum sofandi er svo rosalega mikil vinna í gangi í líkama og heila,“ segir hún og útskýrir þetta nánar í spilaranum hér að ofan.

Þú getur hlustað á þáttinn á Spotify.