Að búa á skemmtiferðaskipi löngum stundum hljómar eins og draumur í dós og við höfum áður skrifað um fólk sem hefur valið slíka búsetu fram yfir aðra og greitt fyrir. 

Christine Kesteloo er ein af þeim sem kýs þennan lífstíl, hálft árið, og hún nær að gera það næstum frítt. Af hverju? Jú eiginmaðurinn er yfirmaður á einu slíku skipi, en hann starfar hjá Holland America Line þar sem hann stjórnar verkfræðideildinni.

Kesteloo hefur búið á skipinu að hluta til allt frá árinu 2012. „Árið 2020 hætti ég að vinna í skemmtiferðaskipabransanum og fór að vinna fyrir sjálfa mig. Árið 2021 byrjaði ég að sigla sem maki um borð með manninum mínum og við erum þrjá mánuði á skipinu og síðan í landi aðra þrjá mánuði,“ segir Kesteloo á TikTok.

Þar kemur fram að hún ferðast næstum frítt um borð. „Ég bý ekki um rúmið mitt, þríf eða þarf að þvo þvott eða borga fyrir mat eða venjuleg heimilistæki,“ segir Kesteloo sem þarf ekki að greiða fyrir mat, en borgar helming fyrir gos og aðra drykki.

Hún fær einnig afslátt af kostnaði við Netið, og í verslun og heilsulindum skipsins.

Í samtali við Newsweek segir hún að hún fái aðgang að mörgum stöðum sem aðeins eru fyrir áhöfnina, eins áhafnarbarnum, líkamsræktarstöðinni og helstu áhafnarsvæðum vegna þess að hún er eiginkona áhafnarmeðlims.

Þetta hljómar næstum oft gott til að vera satt, en á móti kemur að Kesteloo þarf að fara eftir ýmsum reglum sem gestir þurfa ekki að fylgja. Hún má ekki stunda fjárhættuspil um borð og má ekki nota spilakassana. „Vegna þess að það myndi líta svolítið undarlega út ef ég, sem eiginkona yfirverkfræðingsins, myndi vinna stóran gullpott.“

Þau hjónin þurfa einnig að hlíta þeirra reglu að mæta á tilskyldum tíma um borð, því skipið siglir á tilskyldum tíma. „Nei, þeir bíða eftir okkur,“ segir hún, „og ef maðurinn minn missir af skipinu, þá tekur einhver annar við hans hlutverki um borð.“