Tobba er gestur vikunnar í Fókus, spjallþætti DV, og segir söguna á bak við ADHD-greiningarferlið og hvernig leikarinn og fyrrverandi borgarstjórinn Jón Gnarr hjálpaði henni að sætta sig við greininguna og horfa á hana öðrum augum.
Sjá einnig: Tobba skildi eftir skömm og sektarkennd á Jakobsveginum
Aðspurð hvort hana hafi grunað að hún væri með ADHD segir Tobba:
„Já, svona í seinni tíð. Það voru allir byrjaðir að segja: „Þú ert svo ofvirk.“ Sem er svolítið lenskan að segja í dag. Og þetta klassíska: „Þú talar of hátt“ og „þú ert of mikið.“ Allt þetta, alltaf hent fram á gang í skólanum. Samt alltaf vinsæl hjá kennurum og samnemendum, en samt einhvern veginn „of mikið.“ Það vill enginn heyra það alltaf að þú sért of mikið, það er ekki góð tilfinning til lengdar. En ég fór að taka því sem persónuleikanum mínum,“ segir Tobba.
Fyrst þegar eiginmaður Tobbu, tónlistarmaðurinn og tölvunarfræðingurinn Karl Sigurðsson, stakk upp á því að hún myndi fara í ADHD-greiningu varð hún móðguð og tók því sem persónulegri árás.
„Kalli hafði oft spurt mig hvort ég vildi ekki fara í greiningu og mér fannst það svolítið svona persónuleg árás: „Af hverju á ég að fara í greiningu? Bíddu, ég bara fúnkera vel, stend mig vel í vinnunni, stend mig vel heima, er ekki alltaf hreint og fínt hérna og heimalagaður matur? Hvað ertu að segja?“ Ég tók þessi sem árás, þarna erum við komin í skömmina. Ef að hann er að segja þetta þá hlýt ég að hafa gert eitthvað sem ég þarf að skammast mín fyrir. En hann er frekar að hugsa: „Líður þér nógu vel með þetta og getur þér liðið betur?““
Tobba endaði með að fara í greiningu, sem hún er mjög þakklát fyrir í dag. Hún opnar sig um allt ferlið og fleira í spilaranum hér að ofan.
Horfðu á þáttinn með Tobbu í heild sinni hér. Einnig er hægt að hlusta á þáttinn á Spotify.
