Heiðar Logi Elíasson brimbrettakappi hefur sett íbúð sína við Laugaveg 40 á sölu. Íbúðin er 82,5 fm tveggja herbergja á tveimur hæðum í fjölbýlishúsi sem var byggt árið 2004. Vísir greindi frá. 

Íbúðin skiptist í neðri hæð með forstofu, baðherbergi, eldhús, stofu/borðstofu og efri hæð með svefnherbergi með útgengi út á suðursvalir með heitum potti. Heiðar Logi hefur endurnýjað íbúðina að miklu leyti.

Eldhús, stofa og borðstofa er í björtu og rúmgóðu rými með aukinni lofthæð að hluta. Á gólfum er Chevron eikarparket og útgengt er á svalir sem snúa út á Laugaveg, 

Í eldhúsi er dökkgrá innrétting með eyju, sérsmíðuðum hillum úr reyktri eik og innfelldri dimmanlegri lýsingu við sökkul. Gyllt blöndunartæki og vaskur frá Lusso, innbyggður ísskápur og uppþvottavél og 80 cm spanhelluborð í eyju. Dimmanlegt LED hringljós yfir eyju. Tveir tenglar á hlið eyju og þráðlaus símahleðsla í borðplötu. Á baðherbergi eru fallegar flísar frá Parka á gólfi og hluta veggja.

Á efri hæðinni er rúmgott svefnherbergi með parket á gólfi og fataskáp. Þaðan er útgengt á svalir með heitum potti og útsýni yfir miðbæinn.

Nánari upplýsingar um eignina má finna hér.