Þórhildur, verkfræðingur, jógakennari og sambandsráðgjafi, er gestur vikunnar í Fókus, spjallþætti DV. Hún heldur úti vinsælu síðunni Sundur og saman á Instagram og býður upp á námskeið fyrir einstaklinga og pör.
Hún kynntist eiginmanni sínum þegar hún var sautján ára árið 2007. Þau eiga tvo drengi saman, ellefu ára og sjö ára.
Þórhildur segir að drengirnir kippi sér ekkert upp við sambandsform foreldra sinna, þeim þyki þetta jafn eðlilegt og hvað annað og þeir skilji ekkert í athyglinni sem samband foreldra þeirra vekur.
„Fyrstu árin vorum við ekkert endilega að segja öllum frá þessu,“ segir Þórhildur.
Með tímanum áttaði hún sig á því að þetta væri komið til að vera og þá væri rétti tíminn til að segja börnunum.
„Mér fannst mikilvægast að vera í heiðarleika við mig og þegar ég var búin að finna það mjög skýrt að þetta gerir líf mitt betra, mér líður vel, mér líður meira eins og ég sjálf. Mér finnst þetta virðingarvert og heiðarlegt, þetta meikar sens fyrir mig. Þá fannst mér rangt að fela þetta fyrir börnunum mínum.“
Hún segir nánar frá þessu í spilaranum ofar í greininni.
Horfðu á þáttinn í heild sinni hér, eða hlustaðu á hann á Spotify.
Fylgstu með Þórhildi á Instagram og skoðaðu námskeiðin sem hún býður upp á hér. Einstaklingsnámskeiðið hennar Þitt er valið hjálpar öllum einstaklingum (óháð sambadsstöðu) sem vilja upplifa meiri hamingju í sambandi að rækta innri styrk og virðingu sem eru nauðsynleg til að skapa gott samband.
Á vefsíðunni hennar má einnig finna frítt örnámskeið í tjáningu fyrir þau okkar sem eiga stundum erfitt með að vita hvernig á að orða erfiða hluti við makann sinn og óttast að særa.
