LXS eru raunveruleikaþættir á Stöð 2 um samnefndan vinkonuhóp.
Í þættinum þar á undan andaði köldu milli Magneu Bjargar Jónsdóttur og Birgittu Lífar Björnsdóttur. Vinkonurnar voru að skipuleggja hópferð til Kanarí þegar Magnea fékk nóg að gripið væri fram í fyrir henni.
Sjá einnig: Magnea fékk nóg af Birgittu – „Það eru fleiri í þessum heimi“
Málið virtist ekki hafa verið útkljáð þar sem í nýjasta þættinum rauk Magnea frá borði og sagðist vera „hætt í þessu. Ég þarf ekkert á þessu fokking LXS tv show að halda.“ Vísir greinir frá.
Vinkonurnar voru staddar á Kanarí og sátu saman að borða kvöldverð þegar umræðan fór að snúast um upplifun Magneu á vinkonunum.
Sunneva sagðist ekki skilja af hverju hún fílaði ekki hana og Hildi saman.
„Þú verður bara að útskýra það fyrir mér,“ sagði hún.
Birgitta Líf og Ína María fóru einnig að ýta á Magneu sem svaraði engum spurningum.
„Nú ert þú ekki að tala neitt og ert augljóslega eitthvað særð,“ sagði þá Birgitta.
„Það er eitthvað að. Þú ert ekki 100 prósent þú sjálf núna, þú myndir svara fyrir þig.“
„Stelpur, það eru fokking camerur hérna,“ sagði Magnea og byrjaði að gráta.
„Og svo ætlið þið að hafa þetta og gera mig að einhverju fokking fífli. Í alvörunni, nennið þið að slökkva á þessu,“ sagði hún og bað um að slökkt væri á myndavélunum, sem var síðan gert.
Síðar í þættinum er sýnt Magneu ræða við einhvern í framleiðsluteymi þáttanna. „Ég er hætt í þessu, ég þarf ekkert að á þessu fokking LXS tv show að halda,“ sagði hún.
