fbpx
Þriðjudagur 22.apríl 2025
Fókus

Michael Jordan heldur áfram að skrá nafn sitt í sögubækurnar

Fókus
Miðvikudaginn 4. október 2023 17:00

Michael Jordan hætti körfuboltaiðkun í eitt og hálft ár og átti morðið á föður hans mikinn þátt í því. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Michael Jordan, frá Norður-Karólínu ríki í Bandaríkjunum, er talinn einn af bestum körfuboltamönnum allra tíma. Á ferli sínum vann hann til dæmis sex meistaratitla í NBA-deildinni með liði sínu Chicago Bulls og var valinn fimm sinnum „verðmætasti“ (e.most valuable player) leikmaður deildarinnar. Hann er í fimmta sæti á lista leikmanna sem hafa skorað flest í stig í sögu deildarinnar en deilir fyrsta sætinu með Wilt Chamberlain á listanum yfir flest stig skoruð að meðaltali í leik.

Þótt Jordan hafi lagt skónna endanlega á hilluna árið 2003 skráði hann sig nýlega enn á ný í sögubækurnar en þá varð hann fyrstu atvinnuíþróttamaðurinn til að komast á árlegan lista tímaritsins Forbes yfir 400 auðugustu menn Bandaríkjanna.

Jordan er í 379. sæti listans en hann komst á hann einkum vegna þess að hann seldi í júní síðastliðnum megnið af eignarhlut sínum í NBA-liðinu Charlotte Hornets. Jordan keypti liðið árið 2010 en á eftir söluna þó enn lítinn hlut í því.

Forbes metur andvirði eigna körfuboltagoðsagnarinnar á þrjá milljarða bandaríkjadollara (um 418 milljarðar íslenskra króna).

Jordan náði yfir milljarðs dollara múrinn árið 2015 að talsverðu leyti vegna samnings síns við íþróttavöruframleiðandann Nike, en einnig vegna ábata af samningum við fataframleiðandann Hanes, drykkjarvörufyrirtækið Gatorade, og fyrirtækið Upper Deck sem framleiðir kort með myndum af frægu íþróttafólki.

Jordan hefur þó ekki haldið þessum vaxandi auð sínum eingöngu fyrir sig og sína. Í tilefni af sextugsafmæli sínu fyrr á þessu ári gaf hann góðgerðarstofnuninni Make A Wish, sem uppfyllir óskir barna sem þjást af alvarlegum og þá yfirleitt banvænum sjúkdómum, 10 milljónir dollara (tæplega 1,4 milljarðar íslenskra króna). Það er hæsta framlag frá einstaklingi í 43 ára sögu Make A Wish.

Efstur á lista Forbes að þessu sinni er Elon Musk, eigandi meðal annars samfélagsmiðilsins X, forstjóri bílaframleiðandans Tesla og forstjóri og einn helsti eigandi fyrirtækisins SpaceX sem sérhæfir sig í könnun himingeimsins. Forbes metur virði eigna Musk á 251 milljarða dala (34.979 milljarðar íslenskra króna). Næstur á eftir honum er Jeff Bezos, stofnandi netverslunarrisans Amazon, en eignir hans eru metnar á 161 milljarða dala (22.437 milljarðar íslenskra króna).

Samtals eru eignir allra einstaklinganna 400 á lista Forbes metnar á 4,5 trilljónir dollara (627 trilljónir íslenskra króna).

Það var CNN sem greindi frá

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 3 dögum

Ömurlegt atvik á klósettunum á Þjóðhátíð – „Það voru stelpur í kringum tvítugt“

Ömurlegt atvik á klósettunum á Þjóðhátíð – „Það voru stelpur í kringum tvítugt“
Fókus
Fyrir 4 dögum

Veðbankarnir um Eurovision: Útlitið ekki gott fyrir Væb í Sviss

Veðbankarnir um Eurovision: Útlitið ekki gott fyrir Væb í Sviss
Fókus
Fyrir 5 dögum

Skripo: Lífleg og vinsæl málverkasýning í Epal

Skripo: Lífleg og vinsæl málverkasýning í Epal
Fókus
Fyrir 5 dögum

Dimmey Rós og kærastan hennar hafa orðið fyrir fordómum á Íslandi – „Stundum var fólk bara hlæjandi að benda“

Dimmey Rós og kærastan hennar hafa orðið fyrir fordómum á Íslandi – „Stundum var fólk bara hlæjandi að benda“
Fókus
Fyrir 6 dögum

Daði nær óþekkjanlegur – Stutthærður með alskegg

Daði nær óþekkjanlegur – Stutthærður með alskegg
Fókus
Fyrir 6 dögum

Áfallið þegar hún komst að því að Steven Tyler væri pabbi hennar

Áfallið þegar hún komst að því að Steven Tyler væri pabbi hennar
Fókus
Fyrir 1 viku

Pedro Pascal sýndi trans konum stuðning í afmælinu sínu

Pedro Pascal sýndi trans konum stuðning í afmælinu sínu
Fókus
Fyrir 1 viku

Ólafur var milli lífs og dauða – Kom heim til að deyja en fann sig í að aðstoða aðra – „Stundum hafa komið dalir“

Ólafur var milli lífs og dauða – Kom heim til að deyja en fann sig í að aðstoða aðra – „Stundum hafa komið dalir“