Þórhildur heldur úti vinsælu síðunni Sundur og saman á Instagram og býður upp á námskeið fyrir einstaklinga og pör.
Hún var gestur í síðasta þætti af Fókus, spjallþætti DV.
Sjá einnig: Þórhildur komin í annað samband – Segir að hann og eiginmaðurinn nái vel saman
Þórhildur og maðurinn hennar hafa verið í opnu sambandi undanfarin sex ár en hún greindi ekki frá því opinberlega á samfélagsmiðlum fyrr en fyrir nokkrum árum. Óhefðbundið sambandsform þeirra vakti gríðarlega athygli en Þórhildur segir það ekki hafa haft áhrif á samband þeirra.
„Nei við fundum ekki fyrir neinum sértökum mun. Það kom mér pínu á óvart,“ segir hún.
„Það getur verið þannig að það sé rætt um okkur í öllum kaffiboðum landsins en við finnum ekkert fyrir því.“
Sjá einnig: Segir Íslendinga mjög áhugasama um opin sambönd
Hún útskýrir af hverju hún hafi ákveðið að vera opin með þennan hluta af lífi sínu.
„Ég fann hvað mér fannst gaman að gera þetta og ég fékk ótrúlega jákvæð viðbrögð frá fólki, þannig ég ákvað að stofna eigin miðil. Mér fannst þetta skemmtilegt verkefni, þá var ég ennþá í hagfræðinámi og það var ekki markmið að gera þetta að starfi, heldur var þetta áhugamál. Fyrstu tvö árin talaði ég ekkert um það að ég væri í opnu sambandi, enda var það ekki – og er ekki – markmiðið með síðunni.“
Horfðu á þáttinn í heild sinni hér, eða hlustaðu á hann á Spotify.
Fylgstu með Þórhildi á Instagram og skoðaðu námskeiðin sem hún býður upp á hér.
