Söngkonan Ariana Grande og leikarinn Ethan Slater virðast enn vera saman á meðan þau ganga bæði í gegnum með umtöluðustu skilnuðum ársins.
Í júlí var greint frá því að Grande væri að skilja við fasteignasalann Dalton Gomez eftir tveggja ára hjónaband. Á sama tíma var greint frá því að hún væri byrjuð með Slater. Þau kynntust við tökur á söngleikjakvikmyndinni Wicked.
Slater var á þeim tíma giftur æskuástinni sinni, Lilly Jay, og eiga þau son, fæddan í ágúst 2022.
Leikarinn hefur síðan þá sótt um skilnað. Lilli Jay sagði í samtali við Page Six í sumar að hún hafi ekki haft hugmynd um að hjónabandi þeirra væri lokið fyrr en hún sá fréttirnar um samband eiginmanns hennar og söngkonunnar í fjölmiðlum.
Málið vakti gríðarlega athygli, þetta var svo sannarlega skandall sem skók heimsbyggðina og hafa Grande og Slater lítið á sér bera síðan þá.
Samkvæmt heimildum fjölmiðla vestanhafs heldur nýja stjörnuparið því fram að ekkert hafi gerst á milli þeirra fyrr en þau sögðu bæði skilið við fyrrverandi maka. Hins vegar herma aðrar heimildir að samband þeirra hafi byrjað á framhjáhaldi sem hvorugt þeirra hafi farið leynt með.
Slúðurmiðillinn Deuxmoi birti fyrstu myndirnar af þeim saman síðan allt fór á hvolf. Á myndunum má sjá þau haldast í hendur í Disneyland en þau reyndu að fara huldu höfði um skemmtigarðinn.
View this post on Instagram
