Í marga mánuði hafa aðdáendur velt fyrir sér hvort raunveruleikastjarnan Kylie Jenner og leikarinn Timothée séu að slá sér upp saman. Fyrstu sögusagnir fóru á kreik í apríl og hafa paparazzi ljósmyndarar örsjaldan náð myndum af þeim yfirgefa heimili hvors annars, þeim hefur bara einu sinni tekist að ná myndum af þeim saman, og það úr mikilli fjarlægð.
Kylie, 26 ára, og Timothée, 27 ára, eru sögð hafa byrjað að slá sér upp saman í janúar en hafa farið mjög leynt með samband sitt og haldið sig alfarið frá sviðsljósinu.
Það kom því aðdáendum verulega á óvart þegar þau mættu saman á tónleika Beyoncé í gær. Þetta er í fyrsta sinn sem þau sjást opinberlega saman.
Mark your calendars: On Beyoncé’s 42nd birthday, Timothèe Chalamet and Kylie Jenner made their public debut at SoFi Stadium to see Bey’s Renaissance stop on Sept. 4. Where there’s smoke… 🔥 pic.twitter.com/NUUkqIY8vi
— Chris Gardner (@chrissgardner) September 5, 2023
Það er óhætt að segja að aðdáendur hafi brugðist hart við fyrstu fregnum af sambandi Kylie og Timothée. Aðdáendur leikarans skrifuðu athugasemdir á Instagram-síðu hans og grátbáðu hann um að falla ekki fyrir „Kardashian/Jenner bölvuninni.“
Chalamet var áður í sambandi með leikkonunni og fyrirsætunni Lily-Rose Depp og Lourdes Leon, dóttur Madonnu.
Kylie Jenner sleit sambandi sínu við barnsföður sinn, Travis Scott, í desember í fyrra. Saman eiga þau tvö börn.
