Steve Harwell, söngvari hljómsveitarinn Smash Mouth, er látinn aðeins 56 ára að aldri. Harwell hafði glímt við margskonar veikindi undanfarin ár en sá skæðasti var alkóhólismi. Hann lést á sjúkrastofnun í Idaho, umkringdur ástvinum sínum, en unnusta hans, Annette Jones, hafði annast hann undanfarið.
Hljómsveitin Smash Mouth var stofnuð árið 1994 en sló í gegn á heimsvísu með laginu „All Star“ sem var titillag kvikmyndarinnar um græna tröllið Shrek. Þá naut ábreiða hljómsveitarinnar af laginu „I´m a believer“ í sömu mynd einnig gríðarlegra vinsælda.
Hljómsveitin seldi alls um 10 milljónir platna en Harwell yfirgaf sveitina endanlega árið 2021 útaf veikindum sínum.
