Það efast eflaust enginn um voðaverk Jeffrey Epstein.

En hvað var það sem dreif illvirki hans áfram annað en hrein illska? Og hvernig stendur á því að hann félagar hans komust upp með svona viðbjóðsleg brot jafn lengi og raun ber vitni? En hvernig fer millistéttarstrákur og húsvarðarsonur frá Brooklyn að því að verða svona svívirðilega ríkur? Hvers vegna sótti fólk úr tónlistar- og kvikmyndaiðnaðnum í manninn og hvað var allt þetta stjórnmála og kóngafólk að gera á eyjunni hans? Hvað hafði Epstein að bjóða þotuliðinu sem ekki var auðveldlega hægt að nálgast annarsstaðar og hvernig komst hann í upphafi í tæri við þetta fólk?

Er mögulegt að Epstein hafi verið strengjabrúða yfirvalda og starfsmaður leyniþjónustu Bandaríkjanna og/eða Ísrael? Var hann beinlínis gerður út af yfirvöldum til þess að safna grófu myndefni af þekktum einstaklingum að gera óhugnanlega og ólöglega hluti, svo hægt væri að beita þau fjárkúgunum?

Af hverju eru öryggismyndavélar bandarískra yfirvalda alltaf að bila? Og hvernig fremur maður sem á að vera á sjálfsmorðsvakt sjálfsmorð? Er skýring yfirvalda á dauða Epstein sönn eða var hann myrtur svo hann gæti ekki kjaftað frá og afhjúpað viðbjóðinn? Eða er Epstein enn á lífi að njóta lífsins í vitnavernd á vegum stjórnvalda?

Þetta og margt fleira í nýjasta þættinum af Álhattinum.