Karen Ósk Gylfadóttir og Rafn Franklín Hrafnsson eru orðin hjón, en parið gifti sig nýlega hjá Sýslumanninum á höfuðborgarsvæðinu.

Fögnuðu þau með nánustu fjölskyldu, en lofa brúðkaupi og veislu síðar.

„Just vígð. Búið að kvitta út praktísk mál eins og hjónavígslu á pappír, skála og skera köku með okkar nánustu sem gerðu stundina okkar svo dýrmæta. Eigum það svo eftir að fá að vera brúðhjón og fagna ástinni með stærri hóp – hlökkum til,“ segja þau í færslu á Facebook.

Rafn hefur getið sér gott orð sem einkaþjálfari og heilsuráðgjafi og er eigandi fyrirtækisins 360 heilsa, hann gaf jafnframt út bókina Borðum betur: fimm skref til langvarandi lífsstílsbreytinga árið 2021. Karen Ósk starfar sem framkvæmdastjóri markaðs- og vörusviðs og stafrænna lausna hjá Lyfju og er jafnframt hóptímakennari í Hreyfingu. Hjónin eiga tvö ung börn, son og dóttur.