Kourtney Kardashian kom eiginmanni sínum, Travis Barker, í opna skjöldu í gær með því að tilkynna um óléttu sína með heldur óvenjulegum hætti. Kourtney var meðal áhorfenda á tónleikum Blink 182, þar sem Travis er trymbill, og skyndilega lyfti hún upp skilti þar sem stóð einfaldlega „Travis, ég er ólétt“.

Myndatökumenn á tónleikunum voru fljótir að bregðast við og skyndilega blöstu skilaboðin við á risaskjám og ærðust gestir tónleikanna af fögnuði.

Kourtney, sem er 44 ára gömul, hefur rætt opinskátt tilraunir hennar og Travis, sem er 47 ára, til að eignast barn saman. Þau hafa undirgengist tæknifrjóvganir til þess, án árangurs. Í fyrra greindi hún frá því að hún ætlaði ekki í fleiri slíkar meðferðir því þær hefðu tekið of mikinn toll af heilsu hennar.

Því er um sannkallað kraftaverkabarn að ræða.

Kourtney og Travis hófu samband sitt árið 2021 en þá höfðu þau þekkst um árabil. Þau giftu sig árið 2022 í athöfn þar sem ekkert var til sparað.

Kourtney á fyrir þrjú börn með fyrrverandi manni sínum Scott Disick og Travis á tvö börn frá sambandi sínu við Shanna Moakler.