The Idol eru nýir þættir úr smiðju HBO og voru orðnir umdeildir áður en fyrsti þáttur kom út. Tímaritið Rolling Stone líkti þeim við pyntingarklám og vöktu fyrstu tveir þættirnir hörð viðbrögð á Cannes-kvikmyndahátíðinni í lok maí.
Sam Levinson, höfundur vinsælu þáttanna Euphoria, og tónlistarmaðurinn The Weeknd, eða Abel Tesfaye eins og hann heitir réttu nafni og kallar sig núna, eru á bak við gerð þáttanna.
Lily Rose-Depp, 24 ára, fer með aðalhlutverk í þáttunum ásamt Tesfaye, 33 ára. Hún leikur poppstjörnu sem byrjar með sjúskuðum gúrú (Tesfaye) og samband þeirra leiðir hana niður dimma braut, sem minnir á sértrúarsöfnuð.
Nú hafa fyrstu tveir þættirnir komið út á HBO og hafa áhorfendur haft nóg um þættina að segja en sérstaklega varðandi kynlífsatriði í öðrum þætti. Breska GQ tímaritið kallaði það „versta kynlífsatriði sögunnar.“
„Það er eins og atriðið hafi verið skrifað af gröðum unglingsstrák sem var að komast að því að hann gæti googlað brjóst á netinu,“ sagði gagnrýnandi GQ.
Í umræddu atriði sagði karakter The Weeknd, Tedros, við Jocelyn, sem Lily-Rose leikur: „Fokking teygðu þessa pínu litlu píku.“
British GQ labelled the sex scene in Episode 2 of ‘The Idol’ “the worst sex scene in history” pic.twitter.com/bS7BHx4cum
— ScreenTime (@screentime) June 13, 2023
Áhorfendur hafa gagnrýnt atriðið harðlega á samfélagsmiðlum. Framleiðendur þáttanna eru meðvitaðir um umtalið og kom The Weeknd atriðinu til varnar í samtali við GQ í gær.
„Það er ekkert kynþokkafullt við þetta atriði,“ sagði hann.
„En þegar þú horfir á þetta atriði, hvort sem þér líður óþægilega eða finnst þetta ógeðslegt eða vandræðalegt. Þá eru það tilfinningarnar sem eru að segja þér: Þessi gaur veit ekkert hvað hann er að gera, það á enginn að vera í þessum aðstæðum.“
Leikarinn viðurkennir að umrætt atriði láti karakterinn hans líta út fyrir að vera algjöran aumingja.
„Hann er fyrirlitlegur, siðblindingi, af hverju að tala undir rós?“ sagði hann.
„Það er ekkert dularfullt við hann og við gerðum það viljandi, með útliti hans, klæðnaði, hárinu, gaurinn er fáviti.“
