Þættirnir Skúrinn á Vísi hafa undanfarnar vikur kynnt til sögunnar sex tónlistarflytjendur sem keppa um bestu nýju útgáfuna af SS pylsulaginu og um besta frumsamda lagið. Nú eru úrslit ljós í keppninni um besta frumsamda lagið og það er hún Gígja Marín sem bar þar sigur úr býtum. Fyrir sigurinn hlaut Gígja Marín eina milljón króna en hún tók við hamingjuóskum frá Hafþóri Úlfarssyni, deildarstjóra markaðsdeildar SS, í höfuðstöðvum fyrirtækisins fyrir helgi.

„Ég er auðvitað himinlifandi með niðurstöðuna,“ segir Gígja Marín sigurreif. Aðspurð segist hún hafa verið að vinna að tónlist í tvö til þrjú ár en sigurlagið, I know, er fyrsta lagið sem hún gefur út ein. „Ég var í unglingahljómsveit fyrir nokkrum árum sem gaf út eitt lag,“ bætir Gígja við brosandi og segir planið nú vera að hella sér út í tónlistina af fullum krafti. Hafþór Úlfarsson, deildarstjóra markaðsdeildar SS, segir að Gígja Marín sé lifandi dæmi um það sem Skúrnum var ætlað að gera: „Planið var að draga lítt þekkt tónlistarfólk út úr Skúrnum og fram í sviðsljósið þar sem við hin fáum að njóta hæfileika þeirra. Gígja Marín er sannarlega verðugur sigurvegari í þessum hluta keppninnar og lagið frábært.“

Keppninni um besta frumsamda lagið er þar með lokið en keppnin um bestu útgáfu SS pylsulagsins mun halda áfram fram í ágúst. „Þjóðin, ásamt dómnefnd, hefur nú valið þrjár útgáfur af pylsulaginu til áframhaldandi þátttöku. Í sumar munum við því sýna þrjár mismunandi útgáfur af sömu auglýsingunni fyrir SS pylsur, hver með mismunandi útgáfu af laginu. Þjóðin kýs svo sýna uppáhalds útgáfu sem verður kynnt um miðjan ágúst,“ segir Hafþór Úlfarsson að lokum en það er til mikils að vinna því sigurvegararnir fá í sinn hlut tvær milljónir króna. Hægt er að kynnast þátttakendum betur í þáttunum Skúrinn sem nálgast má á ss.is/skurinn.