Ástralski grínistinn og leikkonan Celeste Barber tók Hilariu Baldwin fyrir í nýjustu færslu sinni á samfélagsmiðlum.
Barber varð heimsfræg á Instagram fyrir að líkja eftir myndum stjarnanna og er með 9,5 milljónir fylgjenda á miðlinum. Hún hefur einnig getið sér gott orð sem leikkona og lék nýlega í Netflix-þáttunum Wellmania.
Grínistinn líkti Hilariu Baldwin, jógakennara og eiginkonu leikarans Alec Baldwin, við „graðan ungling“ vegna myndbands sem sú síðarnefnda birti á dögunum.
Barber endurgerði myndbandið og hefur það slegið í gegn hjá netverjum.
Ofurfyrirsætan Cindy Crawford var meðal þeirra sem skrifaði við færsluna. „Dey úr hlátri,“ skrifaði hún.
„Við köllum þessa æfingu Graða unglinginn,“ skrifaði Celeste með myndbandinu. Horfðu á það hér að neðan.
View this post on Instagram
