Tískan gengur í hringi en þúsaldarkynslóðin (e. millennials) bjóst örugglega ekki við því að finnast hún enn svo ung þegar vinsælu diskabeltin kæmu aftur í tísku. Alexandra Helga Ívarsdóttir, fyrrverandi fegurðardrottning og athafnakona, er ein af þeim sem hryllir við trendinu.

Hlaðvarpsdrottningarnar Sunneva Einarsdóttir og Birta Líf Ólafsdóttir ræddu um sumartískuna og trendin í nýjasta þætti af Teboðið.

„Chunky belti, gamla góða diskabeltið. Geðveikt,“ sagði Sunneva í þættinum og Birta Líf tók undir: „Geðveikt flott.“

„Og bara stór og mikil belti, farðu í skápinn hjá ömmu þinni, skilurðu, og finndu gömlu beltin hennar,“ sagði Sunneva.

Sunneva sagði að hún hafi verið að leita að svona belti í langan tíma. „Það er alltaf uppselt á Amazon,“ sagði hún en bætti við að það sé langflottast að eiga gamalt belti frekar en kaupa nýtt.

„Farðu í skápinn hjá mömmu þinni, ömmu þinni, frænku þinni,“ sagði hún.

Alexandra lítið hrifin

„Mér finnst ég gömul,“ sagði Alexandra Helga og birti hljóðklippu úr þættinum á Instagram.

Hún birti síðan gamla mynd af sér og vinkonum sínum þar sem þær skörtuðu slíkum beltum.

Alexandra grínaðist aðeins með þetta og birti jarm af Simon Cowell, dómara í American Idol.

Athafnakonan er ekki sú eina sem er ekki til í þetta trend. Þúsaldarkynslóðin, fólk sem er fætt frá 1981 til 1996, á erfitt með að trúa að þetta sé komið til baka.

Ætli TikTok-grínistinn Isabel Galvin taki viðbrögð þeirra ekki ágætlega saman hér að neðan.

@isabelgalv4 #duet with @laurenwolfe #amazonfashion ♬ original sound – Lauren Wolfe