Leikarinn Ben Stiller greindist með krabbamein í blöðruhálskirtlinum árið 2016 og þurfti að gangast undir aðgerð til að fjarlægja meinið. Hann opnar sig um þennan tíma lífs síns í útvarpsþættinum hjá Howard Stern, og ekki nóg með það heldur tók hann skurðlækninn sinn með sér, læknin Ted Schaeffer.
Ben segir í þættinum að í beinu framhaldi af svona aðgerð sé fólk oftst ófært um að stunda kynlíf. Annað hafi þó átt sér stað í hans tilviki. En hann hafi flaggað í fulla stöng rétt rúmum sólarhring eftir aðgerðina.
„Þegar ég fékk fyrsta holdrisið eftir aðgerðina þá fögnuðum við öll. Þetta kom bara eins og þruma úr heiðskíru lofti fyrir mér.“
Ben greindist með krabbameinið fyrir algjöra tilviljun. Samkvæmt leiðbeiningum í Bandaríkjunum á að skima karlmenn fyrir krabbameini í blöðruhálskirtli reglulega eftir að ná 50 ára aldri. Ben gekkst þó undir svokallað PSA-próf þar sem leitað er eftir blöðruhálskirtils-sértækum-mótefnavaka, sérstöku próteini sem framleitt er í blöðruhálskirtli með blóðprufu. Þessi próf hafa verið umdeild en þykja þó stundum leiða til snemmtækrar greiningar. Læknir Ben hafi látið hann taka slíkt próf þegar hann var 46 ára og leiddi það til þess að krabbameinið uppgötvaðist.
Hefur Ben í dag náð sér að fullu og telst nú krabbameinslaus.
