Christine Baumgartner, eiginkona Kevin Costner, hefur óskað eftir skilnaði frá kvikmyndastjörnunni en parið gifti sig fyrir 19 árum síðan. Erlendir miðlar greina frá því að Baumgartner hafi sett leikaranum afarkosti fyrir hálfu ári síðan að hann myndi hætta að leika í sjónvarpsþáttunum Yellowstone, sem hafa slegið í gegn um allan heim. Ástæðan var vinnuálag leikarans sem væri að hafa slæm áhrif á fjölskylduna en þættirnir eru teknir upp í Montana á meðan fjölskyldan er búsett í Los Angeles.

Þá undirbýr Costner nýtt kvikmyndaverkefni sem mun taka 220 daga að framleiða og mynda. Sú tilhugsun hafi reynst eiginkonu hans um megn.

Baumgartner og Costner eiga saman þrjú börn á aldrinum 15 – 12 ára en fyrir átti Costner fjögur börn, þrjú með fyrrum eiginkonu sinni Cindy Silva og eitt með Bridget Rooney..