Þráðurinn Amateur Room Porn á Reddit er gullnáma fyrir þá sem vilja fá hugmyndir til að endurhanna heimili sín, hvort sem það er aðeins eitt herbergi eða heimilið í heild sinni sem þarf á endurbótum að halda. Skilyrði fyrir að setja myndir inn á þráðinn eru að þær séu frá venjulegu fólki og venjulegum heimilum og að eigandinn taki sjálfur myndirnar og setji inn. Notendur eru hvattir til að birta fyrir og eftir myndir af rýminu sem tekið er í gegn og segja frá ferlinu.

Hér eru nokkrar myndir af þræðinum og eru margar breytingarnar hreint ótrúlegar, í sumum tilvikum er ljótum skítugum skúmaskotum breytt í gullfalleg rými sem nýtast heimilismönnum mun betur en aðeins til að safna ryki og drasli.

Það er oft sagt um eldhúsið að þar sé hjarta heimilisins, hér eru nokkur sem tekin voru í gegn með tilþrifum.

Baðherbergi er nauðsynlegt á hverju heimili.

Við sofum mun betur þegar svefnherbergið er fallegt.

Sagði einhver stofa?

Það er skemmtilegra að stússast í fallegu og vel skipulögðu þvottahúsi

Fataherbergið skipulagt

Þessu háalofti var breytt í fallega stofu

Heimaskrifstofur fengu heiðursess í heimsfaraldri

2 ár af ryki, hávaða og meira ryki og óðum að verða að heimili