Aðdáendur Kylie Jenner og Kardashian-fjölskyldunnar eru að fara á límingunum yfir orðrómi um nýjan kærasta stjörnunnar. Hávær orðrómur er um að nýjasti kærasti Kylie sé enginn annar en hjartaknúsarinn Timotheé Chalamet. Þau eiga að hafa byrjað að slá sér upp á tískuvikunni í París í janúar og hafi síðan verið að hittast með mikilli leynd.
Kylie sleit sambandi sínu við barnsföður sinn Travis Scott í desember en saman eiga þau tvö ung börn.
Timotheé, sem hefur verið tilnefndur til Óskarsverðlauna fyrir leik sinn, hefur verið að mestu laus og liðugur undanfarið en hann hefur í gegnum árin meðal annars átt í ástarsambandi við Lourdes Leon, dóttur Madonnu. Lily-Rose Depp, dóttur Johnny Depp og mexíkönsku leikkonuna Eiza Gonzales.
