Hún nýtur mikilla vinsælda á samfélagsmiðlum, með um 15 þúsund fylgjendur á Instagram, og hefur getið sér gott orð sem tónlistarkona um árabil.
„Við fjölskyldan erum hér í fríi að njóta. Mamma verður fimmtug í sumar svo við vildum nýta páskana í smá snemmbúna afmælisferð þar sem við flest munum vinna mikið í sumar. En mamma gaf okkur ferðina í jólagjöf,“ segir Saga B í samtali við DV.
View this post on Instagram
Fjölskyldan er stödd Sharm el Sheik sem Saga er afar hrifin af. „Sharm el sheik er meira bær sem var byggður upp í eyðimörkinni fyrir ferðamenn til að njóta og upplifa skemmtilegar afþreyingar og er mikið að skoða og gera hér. En til dæmis eru aðrar borgir fullar af fornminjum og sögu,“ segir hún.
Sjá einnig: Saga B nýkomin heim frá Dúbaí í sjötta skipti
„Hér koma til dæmis Ítalir í frí eins og Íslendingar skella sér til Tenerife. En í Egyptalandi eru færri reglur en í flestum Miðausturlöndum og áfengi og þessháttar undir léttari löggjöf.“
Saga segir að fjölskyldan hefur verið að njóta og skapa margar dýrmætar minningar í Egyptalandi. „Það sem ég er að elska hérna er menningin, maturinn og veðrið. Svo er verðlagið stór kostur, það er mjög hagstætt miðað við Spán og Ítalíu,“ segir hún.
„Við erum búin að vera með leiðsögumann í allri ferðinni sem heitir Sambo. Hann hefur verið okkur innanhandar og farið með okkur allt sem við viljum fara. Hér er fólk hlýtt og einstaklega hugað að manni líði vel og sé ánægður í fríinu sínu.“
Spennandi tímar eru fram undan hjá söngkonunni. Það er nýtt lag á leiðinni og tók hún upp nýtt tónlistarmyndband í Egyptalandi. Hún gaf síðast út lag árið 2021.
Fylgstu með Sögu B á Instagram.
