Sérhæð við Bugðulæk í Reykjavík er komin í sölu á fasteignavef DV.

Um er að ræða 158,1 fm eign á efri hæð, þar af bílskúr 29 fm, í húsi sem byggt var árið 1958.

Eignin skiptist í stofu og eldhús, þar sem útgengt er á suðursvalir, fjögur svefnherbergi og baðherbergi. Íbúðin er með sérinngangi og var hún nánast öll endurnýjuð árið 2019. Gólf voru flotuð og eikarparket lagt á hæðina auk þess sem baðherbergi og eldhús var endurnýjað. 

Bílskúrinn er í smíðum og verður afhentur fullbúinn að utan, með gluggum og hurðum, tengdum rennum, múraður en ómálaður. Lokið verður við að einangra að innan og múra útveggi auk þess sem fráveitulagnir verða fullgerðar og rafmagn tengt inn í skúrinn. Lóð verður grófjöfnuð við bílskúr. 

Þú getur lesið nánar um eignina og skoðað fleiri myndir á fasteignavef DV.