Nýlega kíktum við inn í svefnherbergi nokkurra þekktra söngvara og leikara, þar sem stíllinn var ansi mismunandi.
Nú er komið að borðstofunum, sem jafnframt eru eins misjafnar og þær eru margar. Sumar leggja áherslu á glamúr, meðan aðrir leggja heimilislegan og notalegan stíl. Margir fengu arkitekta og hönnuði með sér í lið til að innrétta borðstofuna, svo allt myndi nú njóta sín sem best.
Leikkonan Jessica Chastain fékk hönnuði sér til aðstoðar við að innrétta íbúðina í New York. Panell á veggjum er hvítlakkaður til mótvægis veggfóður, borð og stóla sem koma frá Ralph Lauren Home. Feneysk glerljósakróna og sænskur málaður spegill eru vintage.
Söngvarinn Marc Anthony er með borð og stóla úr furu, útskorna barstóla úr mahóní og steinstyttur til skrauts.
Litríkur stíll tónlistarmannsins Elton John fær að njóta sín á heimili hans í Los Angeles. Vintage hlutir eins og Georg Jensen ljós, glerborð frá Pace International og stólar frá Paul Evans prýða rýmið. Málverk, ljósmyndir, glermunir og teppi setja síðan punktinn yfir litríka og skemmtilega borðstofu.
Járn ljósakróna fangar augað í borðstofu leikarans George Clooney á heimili hans í Mexíkó.
Grey´s Anatomy leikkonan Ellen Pompeo valdi hvíta eik, satíngluggatjöld og tvö marókósk látúnsljósker fyrir heimili sitt í Los Angeles.
Meðleikari hennar í þáttunum, Patrick Dempsey eða doktor draumur, valdi sérsmíðað borðstofuborð úr tekki og ljósmyndir eftir Melvin Sokolsky fyrir heimili sitt í Malibu.
Málverk frá 1922 prýðir vegginn í borðstofu leikkonunnar Jane Fonda á búgarði hennar í New Mexico. Kertastjakar frá spænska nýlendutímanum prýða borðið.
Kourtney Kardashian er með sérsmíðað borð, vintage stóla, ljósakrónu, málverk og skúlptúr á heimili sínu í Calabasas í Kaliforníu.
Hjónin Ellen DeGeneres og Portia De Rossi eru með borð frá 19. Öld og baststóla í verandarborðstofu sinni á heimili þeirra í Beverly Hills.
Hjónin Sharon og Ozzy Osbourne skiptu aldeilis um stíl frá fyrra heimili, þar sem gotneskur stíll réði ríkjum og raunveruleikaþættir þeirra voru teknir upp. Núna er það frönsk ljósakróna frá 19. Öld, hönnunarborð og stólar.
Leikarahjónin, Will og Jada Pinkett Smith, fengu arkitekt og innanhússhönnuð til innrétta hús sitt í Calabasas í Kaliforníu. Appelsínugulur litur á veggjum, sérsmíðað borð og bólstraðir stólar skapa mjög einstakt rými.
Íslandsvinurinn og leikarinn Gerard Butler er með viðarstíl á heimili sínu í Chelsea hverfinu á Manhattan í New York. Segir hann að hann hafi langað í stíl sem væri á sama tíma glæsilegur, karlmannlegur og hrár. Sérsmíðað níðþungt viðarborð er þungamiðja borðstofunnar.
