Fyrr í vikunni tókum við saman 10 dýrustu einbýlishúsin sem voru í sölu samkvæmt fasteignavef DV. Það var því við hæfi að skoða einnig hvaða 10 fasteignir eru þær ódýrustu í sölu á fasteignavefnum.
Við tókum ekki með bílskúra, sökkla undir hús, lóðir eða eignir í sólarlöndum, heldur aðeins fasteignir sem eru tilbúnar til að flytja inn í með vasadiskóið, fótanuddtækið og allt hitt í búslóðinni, þó að vissulega þurfi einhverjar eignanna viðhald og málningu áður en flutt er inn.
10. Blöndubyggð 1 Blönduós – 18,9 milljónir króna.
Stærð 100 fm, byggt 1934.
Einbýlishús úr timbri á bakka Blöndu alveg við ósinn. Eign skiptist í forstofu, eldhús, stofu, svefnherbergi og baðherbergi. Brattur stigi er af hæðinni niður í kjallarann, sem er meira og minna eitt niðurgrafið rými. Einnig er aðgengi að kjallara utanfrá um lúgu á norðurgafli. Nánari upplýsingar hér. 
9.Vallholt 1, Ólafsvík – 18,4 milljónir króna.
Stærð 73,4 fm, byggt 1973.
Íbúð á annarri hæð í fjöleignarhúsi. Eign skiptist í þrjú herbergi, eldhús með góðri innréttingu, stofu samliggjandi eldhúsi, gang og baðherbergi með sturtu. Nánari upplýsingar hér.
8. Hvanneyrarbraut 54, Siglufirði – 17,5 milljónir króna.
Stærð 80 fm, byggt 1947.
Íbúð á þriðju hæð í fjöleignarhúsi. Eign skiptist í forstofu, hol/gang, eldhús, stofu, tvö svefnherbergi og baðherbergi. Nánari upplýsingar hér.
6. – 7. Kirkjuvegur 17, Ólafsfirði – 16,9 milljónir króna.
Stærð 76,8 fm, byggt 1931.
Einbýlishús á tveimur hæðum. Eign skiptist í forstofu, stofu og eldhús á neðri hæð. Á efri hæð er bakinngangur/gangur, tvö svefnherbergi, baðherbergi og geymsla. Nánari upplýsingar hér.
6. – 7. Miðtún 4, Tálknafjörður – 16,9 milljónir króna.
Stærð 83,1 fm, byggt 1977.
Íbúð á efri hæð í fjöleignarhúsi. Eign skiptist í forstofu, eldhús, þvottahús, stofu, tvö svefnherbergi og baðherbergi. Geymsla í séreign. Nánari upplýsingar hér.
5. Ólafsvegur 34, Ólafsfjörður – 16,7 milljónir króna.
Stærð 68,1 fm, byggt 1995.
Íbúð á jarðhæð í fjöleignarhúsi. Eign skiptist í forstofu, eldhús, stofu, svefnherbergi, baðherbergi og þvottahús/geymslu. Nánari upplýsingar hér.
4. Vallargata 5 Flateyri – 16,5 milljónir króna.
Stærð 68,6 fm, byggt 1905.
Parhús á einni hæð auk geymsluskúrs. Eign skiptist í forstofu, gang, eldhús, stofu, svefnherbergi, baðherbergi, þvottahús og búrgeymslu. Geymsluskúr er 12,6 f. Húsið stendur á 514 fm lóð. Nánari upplýsingar hér.
3. Túngata 38 Siglufjörður – 14,6 milljónir króna.
Stærð 62,4 fm, byggt 1936.
Neðri hæð í tvíbýli með sérinngangi. Eign skiptist í forstofu, eldhús, stofu, tvö svefnherbergi, baðherbergi og sameiginlegt þvottahús og bakinngangi. Nánari upplýsingar hér.
2. Ásgata 17 Raufarhöfn – 14 milljónir króna.
Stærð 173 fm, byggt 1957.
Húsið Lyngás, einbýlishús á tveimur hæðum, hæð og ris. Eign skiptist í hol, stórt eldhús, stofu, hjónaherbergi og salerni á neðri hæð. Í risi eru fjögur svefnherbergi, sjónvarpshol og salerni. Nánari upplýsingar hér.
1. Ásgata 9 Raufarhöfn – 7 milljónir króna.
Stærð 122 fm, byggt 1954.
Einbýlishús á einni hæð. Eign skiptist í hol, eldhús, stofu, tvö svefnherbergi og baðherbergi. Kjallari er undir helmingi hæðarinnar þar sem er þvottahús og geymsla. Í raun er gengið inn í húsið á milli hæða, það er stigið inn í lítið anddyri með stuttum stiga upp á hæðina og svo á hægri hönd er stigi niður í kjallarann. Nánari upplýsingar hér.
