Íslenskar klámstjörnur hafa vakið mikla athygli í fjölmiðlum á undanförnu ári og velta því eflaust margir fyrir sér hvort starfið sér arðbært. Flestar íslenskar klámstjörnur notast við OnlyFans til þess að selja efnið sitt, en hversu mikið er að hafa upp úr því?
OnlyFans er síða sem gerir notendum kleift að selja efni gegn mánaðarlegu gjaldi. Allur gangur er á því hvers konar efni er deilt á síðunni. Einkaþjálfarar, listafólk og áhrifavaldar nota gjarnan síðuna en nekt og erótískt efni er lang vinsælast.
Áskrifendur greiða mánaðarlegt gjald og fá þar með aðgang að almennri síðu notandans. Síðan er hægt að kaupa meira efni, oft djarfara eða grófara efni, gegn aukalegu gjaldi. Áskrifendur geta einnig lagt fram beiðnir gegn gjaldi.
Ósk Tryggvadóttir, 24 ára, hefur verið á OnlyFans í rúmlega þrjú ár. Hún vakti landsathygli, ásamt kærasta sínum Ingólfi Vali Þrastarsson, 26 ára, í apríl í fyrra þegar þau greindu frá starfi sínu sem klámstjörnur á OnlyFans. Síðan þá hafa þau komið reglulega fram í fjölmiðlum og vakið athygli á málefnum og réttindum kynlífsverkafólks.
Mánaðartekjur Óskar eru 377.865 kr. á mánuði miðað við greitt útsvar 2021.
Mánaðartekjur Ingólfs eru 121.817 kr. á mánuði miðað við greitt útsvar 2021.
View this post on Instagram
Edda Lovísa er 21 árs og samkvæmt lýsingu OnlyFans-síðu hennar framleiðir hún „litríkt klám.“ Hún hefur verið á OnlyFans í rúmlega tvö ár.
Mánaðarlaun miðað við greitt útsvar 2021: 383.460 kr.
View this post on Instagram
Klara Sif er ein af fyrstu OnlyFans-stjörnum landsins sem steig fram og sagði hreinskilið og hispurslaust frá vinnu sinni á síðunni. Hún var langtekjuhæsta klámstjarnan árið 2020, með 1.143.648 kr. á mánuði. Á OnlyFans-síðu hennar kemur fram að hún sé hætt en það er enn hægt að kaupa áskrift og skoða gamalt efni.
Í fyrra var hún með 113.555 kr. á mánuði miðað við greitt útsvar árið 2021.
View this post on Instagram
Birta Blanco fór nýlega út landsteina til að taka upp klám í Texas með framleiðslufyrirtæki og leyfði fylgjendum sínum á Instagram að fylgjast með ferlinu. Myndböndin rötuðu síðan á OnlyFans-síðu hennar.
Mánaðarlaun Birtu voru 141.727 kr. miðað við greitt útsvar árið 2021.
View this post on Instagram
